Размер шрифта: A A A
Цвет сайта: A A
Тип шрифта:
«Астана қаласы «Алматы» ауданы әкімінің аппараты» ММ

Регламент

ҮЗІНДІ

2. Жұмыс уақытының регламенті

2.1 Қазақстан Республикасында қолданылып жүрген еңбек туралы заңнамаға сәйкес аптаның 40 сағаттық жұмыс уақытының ұзақтығына - 8 сағат белгіленген(жұмыс күнінің басталуы сағат - 8.30, аяқталуы сағат - 18.00, түскі үзіліс - 13.00-ден 14.30 сағатқа дейін)

10. Кадрлар және мемлекеттік қызмет мәселелері.

10.1 Аудан әкімі аппаратында мемлекеттік қызмет ету мәселелері мемлекеттік қызметі туралы заңнамасына және сәйкес Ереже бойынша реттеледі.

11. Іс жүргізу.

11.8 Барлық қызметтік хаттар келіп түскен күні тіркеледі. Хаттардың басшылар мен орындаушылардың қарастыруына жедел ұсыну қамтамасыз етіледі. Кеңсе басшылықтың қызметтік хаттар бойынша берген тапсырмаларының орындалуын бақылайды.

11.10 Көрсетілетін қызметті берушілердің мемлекеттік қызметтер көрсетуіне қойылатын талаптар және оларды көрсету тәртібі мемлекеттік көрсетілетін қызметтер стандарты мен регламентінде айқындалады.

12.Азаматтардың ұсыныстарын, өтініштерін, арыздарын және ауызша шағымдарын қарау.

12.1 Азаматтардың ұсыныстарын, өтініштерін мен шағымдарын қабылдауды, тіркеуді және басшылықтың азаматтарды жеке қабылдауы нәтижесінде анықталған тапсырмалардың орындалуын бақылауды кеңседе жүзеге асырады.

12.2 Аппаратқа жеке және заңды тұлғалардан келіп түскен барлық ұсыныстар орталықтандырылған түрде ескеріледі және түскен күні «Обращения лиц» электронды құжатайналымының мәліметтер базасында тіркеледі.

12.3 «Электрондық үкімет» порталы арқылы түскен жеке және заңды тұлғалардың өтініштері толықтығы мен шынайылығы расталғаннан кейін тіркеледі

12.4 Азаматтардан келіп түскен арыздар мен өтініштер және олардың жауаптары орнатылған үлгідегі карточкаларда тіркеледі. Хаттар қайталанып түскен жағдайда алдындағы өтінішті қарастыру мәліметтері қоса тіркеледі.

12.5 Мазмұнына байланысты, түскен хаттар жөнінде аудан әкіміне, оның орынбасарларына, аппарат басшысына баяндалады немесе қарау құзыреттіліктеріне сәйкес бөлімдерге, ұйымдар мен мекемелерге қарауы үшін жіберіледі.

12.6 Өтініш, шағым, арыздар бір айға дейінгі мерзімде, ал басқа субъектілерден қосымша тексеруді қажет етпейтін, лауазымды қызметкердің орынға барып тексеруі-15 күнде іске асырылады.

12.8 Келуші азаматтарды аудан әкімі, оның орынбасарлары, аппарат басшысы аудан әкімі бекіткен кестесі бойынша қабылдайды.

13. Кіріс хаттарын қарастыру тәртібі

13.1 Кіріс хаттары кеңседе жиналады. Күн сайын сағат 15.00-ден 16.00-ге дейін кіріс хаттары кеңседе өңделеді, 16.00-де өңделген хаттар ұйымдастыру-бақылау бөліміне қарастыру бойынша ұсыныстарды дайындауға жіберіледі.

13.2 Кіріс хаттарын тіркеуді кеңсе құжаттың бірінші бетінің оң жақ төменгі бұрышында тіркеу штампын қойып, тіркеу нөмірі мен, тіркеу мерзімін көрсете отырып атқарады.

13.3 Электрондық нұсқада түскен құжаттарды тіркеу электрондық қолдың сәйкестігі тексерілгеннен кейін ғана жүргізіледі. Электрондық қолы жоқ немесе электрондық қолдың сәйкестігіне тексеруден өтпеген электронды құжаттар электрондық құжатайналым жүйесінде қағаз жүзіндегі түпнұсқасының заңды түрде дұрыс ресімделген және қолы қойылған жағдайда ғана тіркеледі.

13.4 17.00-де ұйымдастыру-бақылау бөлімі кіріс хаттарын аудан әкіміне қарастыруға енгізеді. Қарастырудың қорытындысы бойынша кіріс хаттары әкімнің қарауымен кеңседе «Кіріс хаттары» журналына енгізіледі.

13.5. Әкімнің қолы қойылған шығыс хаттарына әкім орынбасары бұрыштама қояды, ал әкім орынбасары қол қойған хатқа бөлім басшысы бұрыштама қояды.